ბიზნესისა და პარლამენტის საერთაშორისო ასოციაციის ძირითად დანიშნულებას წარმოადგენს არაკორუფციული, გამჭვირვალე ურთიერთობის დამყარება პარლამენტის წევრებსა და ბიზნეს სექტორის წარმომადგენლებს შორის - ემსახურება დემოკრატიისა და ეროვნული ეკონომიკის გაძლიერებას.

ჩვენს შესახებ
ბიზნესისა და პარლამენტის საერთაშორისო ასოციაცია არის საერთაშორისო პროფესიონალური კავშირი, რომელიც აერთიანებს ბიზნესისა და პარლამენტის თხუთმეტამდე ეროვნულ სქემას. იგი ხელს უწყობს ორმხრივ ურთიერთგაგებას, გამჭვირვალე და ეფექტური ურთიერთობების დამყარებას ბიზნეს სექტორსა და პარლამენტს შორის, მიზნად ისახავს ქვეყნის ეკონომიკის საკითხებში ჩართული პირებისა და კანონმდებლების ინფორმირებას მთლიანი ეროვნული ეკონომიკის სასარგებლოდ. ბიზნესისა და პარლამენტის სქემა არის ნეიტრალური და არასექტორული საპარლამენტო რესურსი, რომელიც ემსახურება კანონმდებლების მოთხოვნებს.

ორგანიზაციის ისტორიის მოკლე მიმოხილვა
თავდაპირველი ბიზნესისა და ეკონომიკის სქემა დაარსდა 1977 წელს გაერთიანებული სამეფოს პარლამენტში, რათა მიღწეულიყო ორმხრივი ურთიერთგაგება, ნდობა და დამყარებულიყო არაკორუფციული და გამჭვირვალე ურთიერთობები პარლამენტარებსა და ბიზნესის წარმომადგენლებს შორის, რაც სამომავლოდ იქნებოდა ეკონომიკის განვითარების გარანტი. მსგავსი ორგანიზაცია შემდგომ შეიქმნა ფინეთში, საფრანგეთში, ბელგიაში, ესპანეთში, ნიდერლანდებში, შვედეთში, აშშ-ში, კანადასა და ახალ ზელანდიაში. ეს სქემა ასევე მუშაობს შოტლანდიის პარლამენტში, ჩრდილოეთ ირლანდიისა და უელსის ასამბლეებში. ბპსა-ს შექმნის ინიციატივა ეკუთვნის ეუთო-ს საპარლამენტო ასამბლეას.
ბოლო რამდენიმე წლის განმავლობაში ბიზნესისა და პარლამენტის საერთაშორისო ასოციაციამ მსგავსი სქემები შექმნა ახალგაზრდა დემოკრატიის ქვეყნებში - საქართველო, სომხეთი და მოლდავეთი. ბპსა-მ მცირე პროექტები განახორციელა უკრაინაში, აზერბაიჯანსა და ომანში. ახალგაზრდა დემოკრატიის ქვეყნებში ასოციაციის ჩვეულ პროგრამას თან ერთვის პარლამენტის შესაძლებლობების განვითარების პროგრამები. 

პრინციპები
ეროვნული სქემების საქმიანობის იმპლემენტაცია ხორციელდება საყოველთაოდ აღიარებული გამჭვირვალობის, პასუხისმგებლობისა და ანგარიშვალდებულების ერთიანი სტანდარტით, ახდენს პოლიტიკოსებისა და ბიზნესის წარმომადგენლების ინფორმირებას საზოგადოების სასრგებლოდ. ბპსა აღიარებული არის როგორც გამჭვირვალობისა და არაკორუფციული ურთიერთობების ნიმუში ბიზნესის წარმომადგენლებსა და პარლამენტის წევრებს შორის.

ხელმძღვანელობა და თანამშრომლები
ბიზნესისა და პარლამენტის საერთაშორისო ასოციაციის სათაო ოფისი მდებარეობს ლონდონში. იგი რეგისტრირებულია ინგლისში როგორც არამომგებიანი, შეზღუდული პასუხიმგებლობის საზოგადოება. ბპსა-ს ხელმძღვანელობა მოწვეული არის ეროვნული პარლამენტებიდან და ევროკავშირის ინსტიტუტებიდან. ასოციაციას პატრონაჟს უწევს ევროპარლამენტის პრეზიდენტი. ბპსა-ს პრეზიდენტი არის ბ-ნი ბრიუს ჯორჯი, პარლამენტის წევრი, ეუთოს საპარლამენტო ასამბლეის ყოფილი პრეზიდენტი. ვიცე-პრეზიდენტები არიან სერ დევიდ ედვარდი, ევროპის სასამართლოს ყოფილი მოსამართლე; ბ-ნი ჯონათან ჰანტი, გაერთიანებულ სამეფოში ახალი ზელანდიის უმაღლესი კომისარი და ბ-ნი ვილი დე კლერკი, ბელგიის სახელმწიფო მინისტრი. ასოციაციის სამეთვალყურეო საბჭოს წევრები არიან ბელგიის, ფინეთის, ესპანეთის და შვედეთის ეროვნული სქემების დირექტორები. ბიზნესისა და პარლამენტის საერთაშორისო ასოციაციის თანამშრომლები არიან უმაღლესი სამუშაო გამოცდილებისა და სპეციალური საპარლამენტო მუშაობის მქონე პირები.

დამატებითი ინფორმაციისათვის, გთხოვთ, ეწვიოთ ვებ-გვერდს: www.iabp.org