ახალი ამბები
18 იანვარს, ბიზნესისა და ეკონომიკის ცენტრმა რიგით მეორე გასვლითი ტრენინგი ჩაატარა ქალაქ ახალციხეში თემაზე „ ადვოკატირება და სამოქალაქო საზოგადოების ჩართულობა საჯარო პოლიტიკის შემუშავების პროცესში“.
22 დეკემბერს, ბიზნესის და ეკონომიკის ცენტრში გაიმართა პროექტის „საკანონმდებლო პლატფორმა სოფლის მეურნეობისა და სურსათის უვნებლობის საკითხებზე“ სამუშაო ჯგუფის შეხვედრა, რომელზეც განიხილეს ვეტერინარისს საკითხები.
8 დეკემბერს ბიზნესისა და ეკონომიკის ცენტრში პროექტის „საკანონმდებლო პლატფორმა მწვანე ეკონომიკის საკითხებზე “ფარგლებში გაიმართა პრეზენტაცია მწვანე ეკონომიკის თემაზე. შეხვედრაში მონაწილეობას იღებდნენ სტუდენტები.
7 დეკემბერს, ბიზნესის და ეკონომიკის ცენტრმა საერთაშორისო ორგანიზაცია „მერსი ქორფსთან“ თანამშრომლობით ქალაქ ახალციხეში ერთდღიანი ტრენინგი ჩაატარა თემაზე „ ადვოკატირება და სამოქალაქო საზოგადოების ჩართულობა საჯარო პოლიტიკის წარმოების პროცესში“.
ბატონი დავით ბაქრაძის მისალმება
ბიზნესისა და ეკონომიკის ცენტრის ძირითად დანიშნულებას წარმოადგენს ეფექტური და სისტემური კავშირის დამყარება პარლამენტსა და სხვადასხვა ეკონომიკურ აქტორს შორის. ასეთი სახის თანამშრომლობა არის გარანტია პროცესის გამჭვირვალობისა და სანდოობისა. . . როგორც ბოლო მსოფლიო ფინანსურმა კრიზისმა გვიჩვენა, აუცილებელია პოლიტიკოსები და კანონმდებლები უკეთესად იცნობდნენ ბიზნეს სექტორში არსებულ რეალობას. ამ მხრივ უზარმაზარი პასუხისმგებლობა ეკისრება პარლამენტს, რათა გამონახოს უაღრესად რთული ეკონომიკური საკითხების მოგვარების საკანონმდებლო საშუალებები და ამასთან გაითვალისწინოს სხვადასხვა საზოგადოებრივი ჯგუფის ინტერესები და პრობლემები. ბიზნესისა და ეკონომიკის ცენტრის წვლილი მართლაც მნიშვნელოვანია. . . ის საშუალებას აძლევს პარლამენტის წევრებს უკეთ გაეცნონ ბიზნესისა და ეკონომიკის სფეროსთან დაკავშირებულ პრობლემებს. ეს ინიციატივა ჩემი პატრონაჟით ხორციელდება და მჯერა, რომ საქართველოს პარლამენტი მაქსიმალურად გამოიყენებს ამ მნიშვნელოვან საპარლამენტო რესურსს.დავით ბაქრაძე, საქართველოს პარლამენტის თავმჯდომარე
