პროექტი „დიალოგი საქართველოს ხელისუფლებასა და სამოქალაქო საზოგადოებას შორის აფხაზურ და ოსურ მხარეებთან ურთიერთობათა დარეგულირების საკითხებზე“ მიზნად ისახავს სამშვიდობო პროცესებში მონაწილე სამოქალაქო საზოგადოების ორგანიზაციების, ექსპერტებისა და მეწარმეების მხარდაჭერას საჯარო პოლიტიკის ხარისხიანი და რეალისტური წინადადებების გამომუშავებაში კონფლიქტის მოგვარების საკითხებზე. ჩვენი დაკვირვებით,

აღნიშნული ამოცანების მიღწევის შედეგად:

• აფხაზურ და ოსურ საზოგადოებაში გაიზრდება ნდობა, როგორც ქართული საზოგადოების, ასევე ხელისუფლების მიმართ, რაც შემდგომში იქნება კონფლიქტის გადაწყვეტის მყარი წინაპირობა.
• გაიზრდება საქართველოს საზოგადოების როლი კონფლიქტის მშვიდობიანად მოგვარებაში, რაც თავის მხრივ შექმნის საჭიროებას მთავრობის მხრიდან ადექვატური სამშვიდობო პოლიტიკის შესამუშავებლად.
• საომარი მოქმედებების განუახლებლობის მყარი გარანტიები, რომელიც თავის მხრივ იქონიებს დადებით გავლნას ბიზნეს გარემოსა და საქართველოს ეკონომიკურ განვითარებაზე. ყოვლივე ეს კი ხელს შეუწყობს ომის შედეგად გახლეჩილი საზოგადოებების დაახლოებას.

პროექტის მიზნებს წარმოადგენს

• სამშვიდობო პროცესში ჩართული არასამთავრობო ორგანიზაციების პოზიციების შეჯერება, რომელიც მოახდენს კონფლიქტის მშვიდობიანი მოგვარების ერთიანი სტრატეგიის ფორმულირებას.
• სამოქალაქო სექტორის რესურსებისა და ექსპერტიზის  მიმართვა, ეფექტური და კონსტრუქციული დიალოგის ჩამოყალიბებისაკენ ხელისუფლებასა და არასამთავრობო სექტორს შორის.
• კარგად ჩამოყალიბებული სამშვიდობო პოლიტიკის განსაზღვრა და მთავრობასა და საზოგადოებას შორის აღნიშნულ საკითხზე კომუნიკაციის გაძლიერება.

პროექტის დონორები:

	ბრიტანეთის საელჩო საქართველოში
	საერთაშორისო ორგანიზაცია „ საერთაშორისო განგაში“
	ჰოლანდიის სამეფოს საელჩო საქართველოში